Sosial şəbəkədə paylaşılan bir videonun xərçəng xəstəsi uşaq üçün verilən dəstəkdən olduğu iddia olunub. İddiaya əsasən Almaniyadakı xərçəng xəstəsi olan bir uşaq motosiklet həvəskarı olduğu üçün uşaq ilə görüşə 20 min motosiklet gəlib.
Birinci hissə Braziliya prezidentinin motosiklet konvoyundandır
İddia videosundan alınan ekran görüntlərini əks axtarış üsulu ilə araşdırdıqda bəzi sosial media paylaşımlarını tapmaq mümkündür. Portuqalca olan bu paylaşımlarda iddia videosunun ilk qismindəki görüntülər yer alıb. Braziliyalı millət vəkili və sosial demokrat partiyanın rəsmi səhifəsindən paylaşılan görüntüləri araşdırdıqda videonun əslində Braziliyada keçirilən motosiklet konvoyundan olduğunu öyrənirik.
Konvoy Braziliya prezidenti Jair Bolsonaro başçılığında keçirilib. Konvoyun keçirildiyi 2021-ci il may ayı Braziliyada Covid-19 pandemiyasından 450 min insanın həyatını itirdiyi və pandemiya ilə bağlı tədbirlərin qüvvədə olduğu dövrə təsadüf edir. Konvoy videolarında Braziliya prezidentinin bir çox iştirakçı kimi maskadan istifadə etmədiyi görülür. Mövzu haqqında çıxan xəbərlərə əsasən Covid-19 əleyhinə maska qaydalarını pozduğu üçün Bolsonaro cərimə olunub.
İddia videosunun ikinci hissəsi Avstraliyadandır
İddia videosunu diqqətlə izlədikdə, ikinci qisminin fərqli olduğunu görürük. Buradan aldığımız ekran görüntüsünü araşdırdıqda mövzu ilə bağlı xəbərlərə rast gəlmək mümkündür. Video 2017-ci ildə qərbi Avstraliyanın Bunbury şəhərində keçirilən bir ad günündəndir. 13 yaşlı serebral iflic xəstəsi uşağın doğum günündə anasının bir mesaj yayması nəticəsində motosikletçilər toplanıb.
2021-ci ilə aid başqa bir videoda Almaniyadakı 6 yaşlı xərçəng xəstəsi bir uşağın motosikletləri sevdiyi üçün ailəsinin sosial mediadan paylaşım edərək motosiklet sürən şəxsləri çağırdığı və minlərlə motosikletin toplandığı qeyd olunub. Sosial media platformalarında verilən dəstək #KrachfürKilian tagı ilə paylaşılıb.
