2022-ci ilin fevral ayında başlayan Ukrayna və Rusiya münaqişəsinin ardından hadisə yerindən olduğu iddia edilən görüntülər yayılmağa başlayıb. Sosial mediada və xəbər saytlarında paylaşılan bir videonun Ukrayna ordusuna məxsus bir Bayraktarın Rusiya ordusuna hücumunu göstərdiyi iddia edilib.
Video köhnədir və İdlibdəndir
Videodan aldığımız ekran görüntüsünü əks axtarış üsulu ilə arama motorunda araşdırdıqda keçmiş paylaşımlara rastlayırıq. Video Rusiya və Ukrayna arasındakı mövcud böhrandan əvvəl, 2020-ci ilə aiddir. Suriyanın İdlib bölgəsindən olan video Məərrət ən-Nöman şəhərində Bayraktar TB2 tərəfindən vurulan mövqeləri göstərir.
Ukrayna Müdafiə Nazirliyi 24 fevral 2022 tarixində verdiyi açıqlamada Bayraktar TB2-dən istifadə etdiyini bildirib.
