Sosial mediada geniş miqyasda paylaşılan bir videonun Türkiyədə 28-29 iyul tarixlərində başlayan meşə yanğınlarından olduğu və meşə yanğınlarını başladan şəxsləri göstərdiyi iddia olundu.
Video 2020-ci ilə aiddir
Videonu əks axtarış üsulu ilə araşdırdıqda eyni kadrların istifadə olunduğu 10 avqust 2020 tarixli bir xəbərə rast gəlirik. Eyni video 10 avqust 2020-ci ildə başqa saytlarda da qarşımıza çıxır.
Köhnə xəbəri AA-nın saytında tapmaq mümkündür
İddia videosunda sağ üst küncdə Anadolu Agentliyinin (AA) loqosu da görünür. Agentliyin internet saytındakı son xəbərlərə nəzər yetirdikdə 29 iyul etibarilə meşələri yandıran şəxslərə aid hər hansı bir xəbərə rast gəlinmir. Lakin 9 avqust 2020-ci il tarixli orijinal xəbəri saytda tapmaq mümkündür.
Nəticə etibarilə iddia yanlışdır. Video 28-29 iyul tarixlərində Türkiyədə başlayan meşə yanğınlarından deyil.
