Çiynində odlu silah tutan bir əsgəri göstərən videonun Ermənistan ilə Azərbaycan arasında gedən döyüşlər zamanı çəkildiyi iddia edildi. Facebookda 4 milyondan çok izlənən videoda Erməni olduğu irəli sürülən əsgərin yaşadığı çətinlik istehza ilə qarşılanıb.
Video sentyabr ayında lentə alınıb
İddiadakı görüntüləri əks axtarış üsulu ilə axtardığımız zaman videonun 6 sentyabr tarixində, yəni 27 sentyabr günü başlayan Ermənistan-Azərbaycan döyüşlərindən əvvəl paylaşıldığını görürük. 9 sentyabr tarixində “Militaryleak” adlı bir internet səhifəsində videonun Rusiyada çəkildiyi qeyd olunub və silahın 9K38 Igla MANPAD adlı Rus raket olduğu məlumatına yer verilib. Eyni video 7 sentyabr tarixində YouTubeda, daha sonra isə Redditdə paylaşılıb.
Xəbəri Rus dilindəki mənbələrdə axtardığımız zaman 6 sentyabr tarixli bir məzmunla rastlaşırıq. Xəbər eyni tarixlərdə Türkiyədə də yayınlanıb. Yəni Azərbaycan və Ermənistan arasındakı döyüşlər zamanı çəkildiyi yönündəki iddialar əsassızdır.
Video Beynəlxalq Ordu Oyunlarında çəkilib
Xəbərlərdə videonun Rusiyada beş ildir təşkil edilən və bu il 23 avqust - 5 sesntyabr tarixləri arasında keçirilən International Army Game (Beynəlxalq Ordu Oyunları) adlı yarışmada lentə alındığı bildirilir. Yenə xəbərlərə görə, videoda yaşanan qəzanın səbəbi silahın lüləsindəki tıxanma olub.
Yarışma haqqındakı məlumatları 2020 Beynəlxalq Ordu Oyunlarının internet səhifəsindən də əldə etmək mümkündür. Videoda da görünən, “Clear Sky” kateqoriyasında yarışan əsgərlərin MANPAD adlı silahdan istifadə etməli olduqları açıq bir şəkildə qeyd olunub.
Çiyində daşınan, təyyarə əleyhinə raket sistemi MANPAD 1983-cü ildə Sovet Sosialist Respublikaları İttifaqı tərəfindən istehsal edilib.
