Sosial şəbəkədə paylaşılan bir videonun atasının rüşvət aldığını öyrənən şəxsin pulları meydanda havaya sovurduğunu göstərdiyi iddia edildi.
İddia videosu
Videodan aldığımız ekran görüntüsünü əks axtarış üsulu ilə axtarış motoru Bing üzərində axtarırıq. Bing üz tanıma sisteminə sahib olduğu üçün nəticələr hissəsində videoda pulları ətrafa saçan şəxsin olduğu başqa xəbər və YouTube videolarını qarşımıza çıxarır.
YouTube videosunu izlədikdə iddiadakı şəxs ilə Bing vasitəsilə tapdığımız videodakı şəxsin eyni olduğunu görürük. Daha sonra bu videonun açıqlama hissəsində verilən Instagram səhifəsinə keçid etdikdə iddia videosunun bu kanalda da olduğunu müəyyən edirik.
Orijinal video
Videonun açıqlama hissəsini oxuduqda Trax adlı şəxsin köhnə müştərisi və dostu olan Joe Kush adlı musiqiçinin xatirəsinə New Yorkda belə bir təşəbbüs edib. Kush adlı musiqiçinin də qətlə yetirilmədən əvvəl ABŞ-ın fərqli yerlərində küçələrdə ətrafa pul saçdığını göstərən videolar mövcuddur. 16 mart 2021 tarixində Trax tərəfindən paylaşılan video ilə bağlı bir neçə xəbər də mövcuddur.
İddianın əksinə video atasının rüşvət aldığını öyrənən bir oğulun pullara ətrafa saçmasını göstərmir. İddia videosunda orijinal videonun səsi azaldılaraq üzərinə azərbaycan dilində cümlələr əlavə edilib. Orijinal videoyu dinlədikdə isə Trax “bir il əvvəl Joe Kush adlı dostunun heç nədən qətlə yetirildiyini və onun xatirəsini yaşatmaq üçün bunu etdiyini” deyir.
