"TikTok"da yayılan videoda ABŞ-da zombilərdən qaçan insanların yer aldığı iddia edilib. Bəzi paylaşımlarda insanların “zombi virusu”ndan qaçdığı barədə açıqlamalar verilib.
Görüntülərdə insanların ticarət mərkəzindən qaçdığı görünür.
Video zombilərdən qaçan insanları əks etdirmir
Video iddia edildiyi kimi ABŞ-da qeydə alınmayıb.
"Google"da videoda yer alan tablodakı “Les 4 Temps” yazısını axtararkən bunun Fransanın La Défense rayonunda yerləşən ticarət mərkəzi olduğu anlaşılır.
"Google"da La Défense bölgəsinə aid son xəbərləri axtararkən Türkiyədə də bəzi xəbər saytlarının mövzusu olan intihar xəbəri ilə rastalaşırıq. Videonun ilk dəfə bu şəkildə paylaşıldığı "TikTok" hesabını da müəyyən edirik.
Video ilk dəfə 18 fevral 2023-cü ildə fransızca "La Défense-də böyük izdiham" adı ilə paylaşılıb.
Xəbər saytlarında paylaşılan BFMTV yayım görüntülərindən hadisənin baş verdiyi ticarət mərkəzinin adını aydın görmək mümkündür.
Video 18 fevral 2023-cü il şənbə günü Fransanın La Défense rayonundakı "Westfield Les 4 Temps" ticarət mərkəzində intihardan sonra çəkilib.
Daha doğrusu, ticarət mərkəzinin qonaqları yüksək səsi partlayışa bənzədib qaçırlar. Səlahiyyətlilərdən verilən məlumata görə, ticarət mərkəzində yanğın baş verməsə də, intihar edən şəxs yıxılan zaman hündür mərtəbədən tullanaraq partlayışa bənzər səs çıxarıb. Bu səs-küydən panikaya düşən insanlar ticarət mərkəzini izdihamlı tərk ediblər.
Zombi virusu insanları zombi etmir
Zombi virusu qlobal istiləşmə və Arktikada permafrost adlanan torpaq qatının artan temperaturu nəticəsində yarana bilən müxtəlif növ viruslar adlanır. Bu konsepsiya haqqında 2018-ci ildən danışılır və elmi araşdırmalar davam edir.
Deməli, insanları zombilərə çevirən virusun mövcudluğuna dair hələ də heç bir dəlil yoxdur.
