Sosial mediada Bill Qeytsin bir verlişdən kəsilərək paylaşılan videosunda Qeytsin peyvəndlənmənin səhv olduğunu etiraf etdiyi iddia edilib.
Bill Qeytsin sözləri səhv tərcümə olunub
Bill Qeytsin videosu Fareed Zakarianın 3 may 2022-ci il tarixli “92Y Talks” proqramından götürülüb. Proqramda gələcəkdə ola biləcək daha bir qlobal pandemiyanın qarşısını almaq üçün dünyanın nə etməli olduğunu haqqında danışılıb. Qeytsə aid edilən fikirlərə verlişin 23:40-a olan hissəsində rast gəlirik.
Bu hissədə Bill Gates, Fareed Zakarianın Çinin insanlara virus haqqında məlumat verməsini gecikdirməsi və pandemiya prosesi zamanı ümumi iş birliyindən uzaq qalması ilə bağlı suallarına cavab verir.
Bill Qeyts, Çinin də pandemiyadan dərs çıxardığını və gələcəkdə belə hadisələr olacağı təqdirdə daha uyğun davranacağını söylədikdən sonra yazıda eşitdiyimiz sözlərə davam edir. Qeyts bildirir ki, Çinin koronavirusla bağlı məlumatları paylaşmaqda gecikməsi nəticəsində bir çox insan virusu səyahət yolu ilə yaydı. Bunun nəticəsində ABŞ-la bərabər bütün dünya ölkələri virus üçün diaqnoz testləri hazırlamaqda gecikdi. Qeytsin fikrincə yüksək ölüm halları da bununla əlaqədardır.
Qyetsə adi edilən sözlərin əsl tərcüməsi bu formadadır:
Bütün yayım boyu Bill Qeyts peyvəndin səhv olduğunu dair bir söz demir. Əksinə, bir çox yerlərdə peyvəndlənmənin artması nəticəsində həyatın normallaşdığını vurğulayır.
Yəni Bill Qeytsin sözləri səhv tərcümə olunub.
Bill Qeyts, pandemiya zamanı “Gates Fondu” vasitəsilə vaksinlərin istehsalını dəstəkləməsi bir çox miflərin, saxta xəbərlərin əsas mövzusu olmuşdu. "Teyit" zaman-zaman Qeytsin adından yayılan pandemiya ilə bağlı digər iddiaları da araşdırıb.
