Covid-19 pandemiyası bərabərində bəzi məhdudiyyətləri və qadağaları da gətirdi. Bu məhdudiyyətlərdən biri də bəzi ölkələrdə spirtli içki satışına yönəlik idi. Xəbər saytları tərəfindən paylaşılan iddiaya görə Rusiya prezidenti Vladimir Putin də ölkədə 1-10 may tarixlərində spirtli içki satışının tamamilə qadağan edən bir qərar imzalayıb.
Putinin imzaladığı qərarda belə bir qadağa yoxdur
Rusiyada 1-3 may tarixlərində Beynəlxalq Əmək Günü və 8-10 may tarixlərində isə Qələbə Günü münasibətilə rəsmi tətildir. Bayramların keçilərəcəyi tarixlər arasında sadəcə 4-7 may tarixləri iş günü idi. Rusiya prezidentinin rəsmi internet səhifəsində yeni imzalanmış bir qərar mövcuddur. Bu qərara əsasən, 4-7 may 2021 tarixləri də qeyri-iş günü olaraq elan edildi. Bu da ölkədə may ayının ilk günündən etibarən 11 may tarixinədək qeyri-iş günü olacağı mənasına gəlir. Lakin qərarda koronavirus tədbirləri çərçivəsində spirtli içki satışına yönəlik məhdudiyyət tətbiq ediləcəyinə dair məlumat yoxdur.
Vladimir Putin tərəfindən imzalanan qərar
Rəsmi internet səhifəsindəki digər açıqlamalar arasında da belə bir qadağadan bəhs edilmir.
Rusiyanın Daxili İşlər Nazirliyinin rəsmi internet səhifəsindəki açıqlamalarda da spirtli içkini qadağan edən bir qərara rastlanmır. Google üzərindən saytdakı açıqlamaları araşdırdıqda bütün ölkəni əhatə edən qadağa ilə bağlı nəticə çıxmır. Axtarış motorunda çıxan nəticələr arasında spirtli içkidən istifadənin qadağan olduğu yerlərə dair məlumat ehtiva edən bir yazıya rastlayırıq. Lakin spirtli içkinin tamamilə ölkə üzrə qadağasına dair bir məlumat yoxdur. Daxili İşlər Nazirliyinin internet saytındakı spirtli içkinin istifadəsinə dair başqa bir açıqlama isə məhdudiyyətlərin olduğu məkanlarda qanun pozuntularının cəzasından bəhs edir.
Xəbərin mənbəyi parodiya xəbərləri hazırlayan saytdır
Bəs bu şayiələrin mənbəyi nə ola bilər? Axtarış motorunda xəbərin mənbəyinə dair rus dilində axtarış edərkən əldə edilən məlumatlar bizi satirik yayım edən bir xəbər saytına aparır. Gündəm ilə bağlı satirik xəbərlər hazırlayan “Панорама” yəni Panorama adlı internet saytı 23 aprel tarixndə həmin xəbəri saytında və sosial media hesabında paylaşıb. Twitter-da 50 mindən çox izləyicisi olan hesabın açıqlama qismində də satirik yəni parodiya xəbərlər paylaşdığı qeyd olunub.
Satirik yayım edən Panorama adlı saytın sosial media hesabı
Panorama adlı saytın spirtli içki qadağası ilə bağlı satirik xəbəri
Rus dilində yayınlanan xəbərə Google tərcümədən istifadə edərək də baxmaq mümkündür. Daxili İşlər Nazirliyinin açıqlamasına əsaslanan yazının sonunda bu xəbərin həqiqəti əks etdirməyi və sadəcə parodiya olduğu məlumatı verilib.
Xəbərin Google tərcümədən çevrilmiş halı
Rusiyanın bəzi ərazilərində spirtli içki satışına dair qadağalar var
Rusiyada Covid-19 tədbirləri çərçivəsində spirtli içki istifadəsinə dair qismən qadağalar gətirilib. Məsələn, Tuvanın bələdiyyə saytında 1-10 may 2021-ci il tarixlərində spirtli içki satışının qadağan olduğu elan edilib. Kurqanda da bələdiyyənin imzaladığı qərara əsasən 1-9 may 2021-ci il tarixlərində spirtli içki satışı qadağan edilib.
Rusiyada 1995-ci ildən bəri qüvvədə olan federal qanuna əsasən spirtli içkinin satışı gecə saat 11-dən səhər saat 8-ə qədər qadağandır. Lakin yerli idarələr şəhərlərdə federal qanundan əlavə də məhdudiyyətlər tətbiq edə bilir. Məsələn, Dağıstan bölgəsində, federal qanunlara əlavə olaraq, Ramazan bayramı, Qurban bayramı, Bilik Günü, Uşaq Günü kimi bayramlarda da spirtli içkinin satışına məhdudiyyət var.
Rusiya İstehlakçı hüquqlarının müdafiəsi və insan rifahına nəzarət üzrə Federal Xidməti (Rospotrebnadzor) iddiaları təkzib edib.
