Sosial media platformalarında yayılan bir iddiaya əsasən Pakistan Müdafiə Nazirliyinin sosial media hesabından “Üç dövlət, tək millət” şəklində bir tweet paylaşılıb. Tweetdə bir binada Türkiyə, Azərbaycan və Pakistan bayraqlarının yanbayan asıldığı foto var. Şəkildəki bina bəzi istifadəçilər tərəfindən Pakistan Müdafiə Nazirliyinə aid olduğu iddiası ilə də paylaşılıb. Twitter-da viral hal olan iddia siyasətçilər deputatlar da daxil olmaqla dokuz8 haber, Yeniçağ, Yeniakit kimi xəbər saytları və bir çox türk xəbər saytlarında yayınlanıb. EkşiSözlük-də də mövzu ilə bağlı başlıq açılıb. #PakistanSavunmaBakanlığı tagı ilə sosial mediada paylaşımlar edildi.
Lakin tweetin paylaşıldığı sosial media hesabı Pakistan Müdafiə Nazirliyinə aid deyil. İzləyici sayının az olmağı və paylaşılan tweetlerdə istifadə olunan dil də hesabın rəsmi olmadığına işarədir.
Twitter hesabının yönləndirdiyi sayta girdikdə isə sadəcə Pakistanın müdafiə sahəsindən xəbərlər paylaşan bir sayt olduğunu görürük. Sayt istifadəçi adı “Pakistan Defence” adında başqa bir Twitter hesabı ilə də bağlıdır.
Pakistan Defence adında iki fərqli Twitter hesabı var.
Müdafiə Nazirliyinin belə bir açıqlaması yoxdur
Pakistan Müdafiə Nazirliyinin rəsmi saytında əsas səhifədə iddia ilə bağlı hər hansı bir açıqlama olmadığı görünür. Nazirliyin yönləndirdiyi Twitter hesabı isə Baş nazir İmran Khana aiddir. Khanın da bu yöndə bir paylaşımı olmayıb. Pakistan Hava və Dəniz Qüvvələrinin rəsmi Twitter hesablarında da bu yöndə bir açıqlama yoxdur.
Foto Pakistandan deyil, Bakıdandır
Mövzu ilə bağlı bəzi paylaşımlarda isə binanın Pakistan Müdafiə Nazirliyinə aid olduğu iddia olundu.
Binanı göstərən paylaşımlardan birindəki videoda republican18 yazısı isə bir Telegram kanalına aiddir. Kanalda videonun ilk paylaşıldığı anda isə bu binanın Bakıdan olduğu məlumatı var.
Əks axtarış üsulu ilə də tapdığımız nəticəyə görə fotodakı bina Pakistandan yox, Bakıdandır.
Bina fotolarının olduğu elan saytında da Azərbaycanın paytaxtı Bakıda olan binada satışda evlər olduğu məlumatı verilib. Şəkildəki bina Bakının Yasamal ərazisindəki Renessance Palace-dandır.
Binanın harada olduğunu Google Xəritələr ilə tapmaq mümkündür
İddia, Azərbaycandakı bir xəbər saytından yayılıb
Orduya dəstək olmaq üçün Azərbaycandakı binanın üzərinə Azərbaycan, Türkiyə və Pakistan bayraqları asıldığına dair xəbər var. Xəbərdə Pakistan Müdafiə Nazirliyinin “Üç dövlət, tək millət” paylaşımını etdiyi iddia edilib.
Köşə yazarlı mərkəzli yoxlama platforması Malumatfuruş da bu mövzu haqqında bir yazı yayınlayıb.
Pakistan Azərbaycanı dəstəklədiyini açıqlayıb
Pakistan Xarici İşlər Nazirliyi Azərbaycan və Ermənistan arasında 27 sentyabr tarixində başlayan döyüşlər haqqında eyni gün mətbuat açıqlaması verib. Açıqlamada Pakistan Azərbaycanın özünü müdafiə haqqını dəstəklədiyini bildirib. Pakistan əsgərlərinin Qarabağ ərazisində döyüşdüyünə dair iddiaları isə rədd edib.
