Xəbər saytlarında Azərbaycan Respublikasının Mədəniyyət naziri Anar Kərimov və Birləşmiş Millətlər Təşkilatının (BMT) Baş Assambleyasının prezidenti Abdulla Şahidin birgə şəkli, nazirin Azərbaycan bayrağını digər bayraqla səhv salaraq foto çəkdirdiyi iddiası ilə paylaşılıb.
Bayraq BMT Baş Assambleyasının prezidentinin ölkəsini təmsil edir
2021-ci ildən bəri Azərbaycan Respublikasının Mədəniyyət naziri vəzifəsinə təyin olunan Anar Kərimov, 7 may tarixli məlumata əsasən Birləşmiş Millətlər Təşkilatının (BMT) Baş Assambleyasının 76-cı sessiyasının prezidenti Abdullah Şahidlə görüşüb.
BMT Baş Assambleyasının prezidenti hər il keçirilən seçkilər ilə müəyyən edilir. 2021-ci ildə aparılan səsvermədə, Maldivin xarici işlər naziri Abdulla Şahid, Birləşmiş Millətlər Təşkilatının (BMT) Baş Assambleyasının prezidenti seçilib. Görüşdən yayılan fotoları xəbər saytlarında görmək mümkündür.
Mənbə: azertag.az
Lakin fotonun Maldiv Respublikasının bayrağı qarşısında çəkilməsi normaldır. Çünki BMT Baş Assambleyasının prezidenti seçilərkən, həmin şəxsin təmsil etdiyi ölkənin bayrağı da BMT bayrağı ilə birlikdə sərgilənir.
BMT Baş Assambleyasının 76-cı sessiyasının prezidenti Abdullah Şahid, bu vəzifəni 75-ci sessiyanın prezidenti Volkan Bozkırdan təhvil alıb. Mərasim videosunu izlədikdə, Türkiyə bayrağının Maldiv bayrağı ilə dəyişdirildiyini görmək mümkündür.
Eləcə də Abdulla Şahid ilə görüş keçirən digər dövlət nümayəndələrinin şəkillərinə nəzər yetirdikdə də, fotodakı bayraqların Maldiv və BMT-ə aid olduğunu görürük.
İran Xarici İşlər naziri və BMT Baş Assambleyasının prezidenti Abdulla Şahid, AP
Nazirlik də mövzu ilə bağlı açıqlamasında, BMT-nin və Maldiv Respublikasının dövlət bayraqlarının sərgilənməsinin protokol qaydalarına tam uyğun olduğunu bildirib.
İddia Fakt Yoxla tərəfindən də araşdırılıb.
