Sosial şəbəkə istifadəçiləri və xəbər saytları futbol oyunu zamanı Fransa prezidenti Emmanuel Makronun ölkəsini alqışladığını əks etdirən foto paylaşıblar. Onlar fotonu 2022-ci ilin dünya çempionatının finalında Fransa və Argentina qarşılaşması zamanı çəkildiyini iddia ediblər.
Paylaşılan foto yeni deyil
Fotonu Google-da axtarışa verdiyimiz zaman, CNN-in 8 iyul 2018-ci il tarixli xəbərinə rast gəlirik. Xəbərdə Makronun 2018-ci ilin futbol üzrə dünya çempionatının finalında Xorvatiya Fransa oyunu zamanı həyəcanlandığı deyilir.
Fotoda sol tərəfdə həmçinin Rusiya prezidenti Vladimir Putin və FİFA prezidenti Canni İnfantino oturub alqışlayırlar.
Rusiyanın Lujniki stadionunda Fransa və Xorvatiya arasında keçirilən DÇ-2018 final oyunu zamanı Makron, Putin və İnfantinonun çəkilmiş digər şəkilləri Getty Images tərəfindən yerləşdirilib.
Dünya Çempionatının 2018-ci ildə keçirilən final oyunu Fransanın Xorvatiya yığması üzərində 4:3 hesablı qələbəsi ilə başa çatmışdı.
Argentina penaltilər seriyasında Fransaya qalib gəlib
Makronun həyəcanlandığını göstərən foto Argentina və Fransa arasında Qətərdə keçirilən final oyununda ortaya çıxıb.
Argentina millisi rəqiblərinə qarşı həyəcanlı penaltilər seriyasında qələbə qazandıqdan sonra 2022-ci ilin futbol üzrə dünya çempionatının qalibi olub.
Dekabrın 18-də Qətərin Lusail stadionunda oyunun əlavə vaxtının sonunda komandalar 3-3 hesabla bərabərə qaldıqdan sonra Argentina Gonzalo Montielin vurduğu zərbə ilə 4-2 hesablı qələbə qazandı.
Çemoionatdan öncə bütün gözlər Argentina yığmasının hücumçusu Leonel Messi ilə Portuqaliya yığmasının hücumçusu Kriştiano Ronaldoda idi. Futbol azarkeşlərinin çoxu bu iki komanda arasında final oyunu xəyal etsələr də, portulqaiya millisi 1/4 finalda Mərakeş millisinə 1-0 uduzaraq çempionatı tərk etdi.
Bu mundialın Messinin də, Ronaldonun da son mundialı olacağı ehtimallar arasındadır.
