Sosial mediada və xəbərlərdə verilən məlumatda fotonun Azərbaycan Ermənistan arasında baş verən son münaqişənin ardından İranın sərhədə 45 minlik qoşun topladığı iddiası ilə paylaşılıb.
Foto 2019-cu ildə keçirilən təlimdəndir
Bir fotonun mənbəyini araşdırmaq üçün ilk metodlardan biri axtarış motorlarında əks axtarış üsulu ilə araşdırmaqdı. İddia fotosunu Google-da araşdırdıqda 2019-cu ildən bəri paylaşıldığını görürük.
Al Jazeera-nın 2019-cu il tarixli xəbərində də istifadə edilən foto İsfahanın mərkəzində piyada təlimini göstərdiyi məlumatı ilə verilib. Açar sözlərlə axtarışa davam etdikdə, VOA-da yayımlanan xəbərdə də fotonun istifadə edildiyini, ordunun təxminən 12 minlik əsgəri üçün piyada təlimləri başlatdığı bildirilib. Foto 25 yanvar 2019-cu ildə İsfahanda çəkilib.
Farsca açar sözlərlə axtarış etdikdə isə 45 min əsgərin sərhədə toplandığına dair rəsmi məlumata rast gəlinmir.
