Sosial mediada paylaşılan və Teyitə də bildiriş olaraq göndərilən bir fotoda qara dərili vətəndaşların ermənilərin ABŞ-dakı aksiyaları zamanı Washingtonda yerləşən Atatürk heykəlini hücumlardan qoruduqları iddia olundu.
Foto Sheridan Circle-dakı Atatürk heykəlinin qarşısında çəkilib
İddiadakı fotonu əks axtarış üsulu axtardıqda köhnə tarixli olmadığı görünür. Sosial mediada Atatürk heykəlinin ətrafına toplaşan şəxslərin olduğu foto ilə yanaşı qısa bir video da mövcuddur. Bu videoda da fotodakı şəxslər heykəlin ətrafında dayanıblar. Paylaşımlarda hadisənin Washingtonda baş verdiyi qeyd olunub.
Foto 2 oktyabr 2020-ci ildə ABŞ-da yaşayan ermənilərin Azərbaycan və Türkiyəyə qarşı etiraz aksiyalarında çəkilib. Rus xəbər agentliyi Ruptly-nin saytından o günə dair başqa videolar da var. Bu videoda da aksiyanın Washington Sheridan Circle-da keçirildiyi məlumatı mövcuddur. Eyni zamanda nə kadrlar nə də xəbərlər həmin gün Atatürk heykəlinə bir hücum olduğunu göstərmir.
Atatürkün heykəlinin olduğu ərazidə bir çox ölkənin səfirliyi var. Ruptly-dəki videoda Koreya bayrağının göründüyü bina Koreya Səfirliyidir. Bu bina ilə Atatürk heykəli bir-birinə yaxın məsafədə yerləşir. Washingtondakı ərazini və fotonun çəkildiyi yeri də bu işarələrdən yola çıxaraq Google Xəritələrdə doğrulaya bilirik.
Fotodakı şəxslər mühafizəçi ola bilər
2 oktyabr 2020-ci il keçirilən aksiya üçün Facebook-da bir tədbir hazırlanıb. Whopostedwhat istifadə edərək Facebook-da Sheridan Circle-da yer bildirişi edərək çəkilən videoları görmək mümkündür.
Çıxan nəticələrdə Amerika Erməni Beynəlxalq Komissiyasının (ANCA) canlı yayın paylaşımı görünür. İki saat davam edən yayının başından sonuna qədər fotodakı dörd şəxs də Atatürk heykəlinin qabağında dayanır. İlk olaraq yayının 12-ci dəqiqə 30-cu saniyəsində görünürlər.
Davamında da bənzər kadrlar mövcuddur. Lakin daha da vacibi ANCA canlı yayın paylaşımına bir şərh yazılıb və Atatürk heykəlini qoruyan şəxsi mühafizəçilər olduğu qeyd olunub. Videonun 51-ci dəqiqə 40-cı saniyəsində isə fotodakı şəxslər videoya çəkilir.
Kadrlarda nəzərə çarpan bir detal daha var. Videodakı dörd şəxsdən əlavə başqa qara dərili vətəndaşların da aksiya yerində olduğu görünür.
Videoda 1.25.41-ə gəldikdə də mühafizəçi deyə biləcəyimiz başqa biri daha seçilir. Hətta geyiminin rəsmi olduğu görünür. Qolunda bir emblem mövcuddur.
1.28.36-də isə heykəlin qarşısında duranlardan birinin əli ilə Atatürk heykəlinin rəsminin çəkilməsinə mane olmağa çalışdığı görünür.
ANCA-dan başqa etiraz aksiyasına qoşulan və video çəkən şəxsi hesablar da mövcuddur. Hovhannes Arestakesyan adlı bir Facebook istifadəçisi həmin gün canlı yayın edib. Bu kadrlarda da fotodakı qara dərili şəxslərin Atatürk heykəlinin ətrafında dayandıqları görünür.
Teyit mövzu ilə bağlı Türkiyənin Washington Səfirliyi ilə əlaqə saxladı. Gələn cavabda isə sözügedən şəxslərin bir türk vətəndaşın şəxsi mühafizə şirkətindən olduqlarına dair məlumat verildi. Teyitin əlaqə saxlamağa çalışdığı Hovhannes Arestakesyandan isə hələlik cavab gəlməyib.
Hovhannes Arestakesyanın çəkdiyi videodan kadr
Yəni fotodakı şəxslər Atatürk heykəlini bir mühafizə şirkətinin işçisi olduqları üçün qoruyub. Atatürk heykəlinı yönəlik bir hücum faktı qeydə alınmayıb. 2 oktyabr keçirilən aksiyanın olduğu bölgədə mühafizəçi olduğu müəyyən olan başqa qara dərililər də var.
