Xəbər saytlarında paylaşılan bir fotonun Amerika Birləşmiş Ştatları keçmiş xüsusi bölük komandirlərindən olan admiral Eric Olsunun, Ukraynada Azovstal polad zavodunda ruslara əsir düşdüyü iddia olunub.
Foto ABŞ admiralını göstərmir
Foto rus xəbər saytlarında da paylaşılıb. Lakin xəbələrdə foto haqqında detallı məlumat verilməyib.
Fotonun orijinalı isə Rusiya mərkəzli media qurumu Sputnik-də mövcuddur. Sputnik xəbər saytında yerləşən fotonun açıqlamasında ABŞ admiralı ilə bağlı heç bir detal mövcud deyil.
Foto 14 aprel 2022-ci il tarixlidir. Açıqlama qismində isə “Ukraynalı müharibə əsirlərinin, 2014-cü ildə Ukrayna hava bombardmanlarında Luqansk Xalq Respublikasında öldürülənlərin anım mərasimində iştirak etdiyi” bildirilib. Fotonun çəkildiyi yerin isə Luqansk olduğu qeyd olunub.
Eyni foto aprel ayında “Ukraynalı əsirlər də tədbirə qoşulub” məlumatı ilə rus xəbər saytlarında da paylaşılıb.
Mariupolda yerləşən Azovstal polad zavodunda uzun müddət Rusiyaya qarşı müqavimət göstərən ukraynalı əsgərlər 16 may tarixindən etibarən təxliyə edilməyə başlayıb. Yəni foto təxliyədən əvvələ aiddir.
Təslim olan ukraynalı əsgərlər arasında ABŞ admiralının olduğuna dair rəsmi məlumat yoxdur. Rus mənbələrində də belə bir xəbər mövcud deyil.
Bundan əlavə, admiral Eric Olson 2011-ci ildə təqaüdə buraxılıb.
