27 sentyabr 2020-ci ildə Azərbaycan və Ermənistan arasında başlayan döyüşlər zamanı həmin ərazilərdən olduğu iddiası ilə bir çox foto və video istifadəçilər tərəfindən paylaşıldı. Bunlardan biri də fotonun Ermənistana yardıma gedən yük maşınlarının Təbrizdəki vətəndaşlar tərəfindən yandırıldığını göstərdiyi iddiasıdır.
Fotolar 2019-cu ildəndir
İddiadakı fotonu əks axtarış üsulu ilə axtardığımız zaman Fars News adlı xəbər saytının köhnə tarixli bir xəbərini görürük.
Xəbərdə Emad Yeganehdost tərəfindən çəkilən fotonun İranın Bəndər Xəmir şəhərində bir magistral yolda içərisindəki dondurucuya görə yandığını göstərdiyi qeyd edilib. Tarix İranda istifadə edilən təqvim ilə ‘1397/12/23’ olaraq yazılıb.
Date-Today istifadə edərək tarixin 14 mart 2019-cu ilə bərabər olduğunu görürük.
Farsi News-dakı xəbərdən iddiada istifadə edilən foto ilə yanaşı qəzaya dair başqa bucaqlardan çəkilmiş fotolaru da görmək mümkündür.
Hadisənin baş verdiyi Bəndər Xəmir şəhəri Təbrizdən xeyli uzaqdır. Təbriz, Azərbaycanlıların daha çox yaşadığı bir şəhərdir, Bəndə Xəmir isə İranın Oman körfəzinin sahilindəki bir şəhərdir. Təbrizin yerləşdiyi ərazi Cənubi Azərbaycan olaraq da adlanır.
