Sosial mediada yayılan bir fotonun İranda edam edilən üç qadını göstərdiyi iddia edilib.
Foto Berlində keçirilmiş bir etiraz aksiyasındadır
Fotonu əks axtarış üsulu ilə araşdırdıqda, 2014-cü ildən bəri internetdə paylaşıldığını görürük.
Foto 27 oktyabr 2014-cü ildə Berlində çəkilib. Foto Ukraynanın qadın haqlarını müdafiə təşkilatı olan FEMEN-in, İranda 26 yaşlı qadın Reyhan Cabbarinin edamına etiraz olaraq Berlində keçirdiyi aksiyadandır. Mətbuatda yer alan məlumata əsasən Reyhan Cabbari ona təcavüz etməyə çalışan Morteza Abdolali Sarbandinin qətlinə görə edam edilib.
İran İnsaq Haqları Təşkilatı (IHRNGO) 27 iyul 2022-ci il tarixində eyni gündə üç qadının edam edildiyini bildirib. Açıqlamada biri azyaşlı gəlin üç qadının üç fərqli həbsxanada edam edildiyi deyilir. Qurumun hesabatına əsasən 2010 oktyabr ayından 2021-ci ilin sonuna qədər ən az 164 qadın edam edilib.
Beynəlxalq Amnistiya Təşkilatının yaydığı məlumatda da İranda 2022-ci ilin ilk altı ayında ən az 251 nəfərin edam edildiyi bildirilib. Bu rəqəm ötən ilin eyni dövrünə nisbətən iki qat artıb.
