Xəbər saytlarında bir fotonun müharibədə yaxınları itkin düşmüş ermənilərin İran - Ermənistan sərhədini bağladığı və etiraz aksiyası keçirdiyini göstərdiyi iddia olundu.
Video 2016-cı ildəndir
Fotonu RevEye adlı Chrome əlavəsi istifadə edərək əks axtarış üsulu ilə araşdırdıqda internetdə daha köhnə tarixli paylaşımlara rast gəlirik.
2016-cı il yayınlanan xəbərlərdə İran və Ermənistan sərhədinə yaxın olan Yerəvan - Meğri yolunu bağlayan ermənilərin etirazını göstərdiyi ifadə edilib. Mövzu ilə bağlı xəbərlərə baxdıqda həmin ərazidən çəkilmiş digər fotolara və videoya rast gəlmək mümkündür.
Erməni dilində yayın edən bir saytdakı məlumata əsasən paylaşılan foto Yerəvan - Meğri yolunu bağlayan “Sedrak Nazaryan” adlı bir şəxsin kəndlilərinini göstərir. Mövzu ilə bağlı detallı axtarış etdikdə mətbuatda həmin dövr yayınlanan, “Sedrak Nazaryan” adlı şəxsin “Müəssislər məclisi” hərəkatı silahlı dəstəsinin üzvü olduğu və yaralandığı xəbərləri mövcuddur. Ümulikdə isə 2016-cı ilin həmin ayındakı xəbərlərə baxdıqda Ermənistanda polis ilə yaşanan qarşı durmalar və etiraz aksiyaları haqqında xəbərlər olduğunu görürük.
İddia fotosundakı ərazi yəni yolu bağlanan Yerəvan - Meğri yolu Ermənistanın İran sərhədinə doğru olan yoldur.
Lakin etiraz fotosunun 2020-ci ilin 27 sentyabr tarixində başlayan Azərbaycan Ermənistan müharibəsi ilə əlaqəsi yoxdur.
