Sosial mediada paylaşılan fotoda dünyanın ən uzun burnuna sahib insan olan Tomas Vedhausu göstərdiyi iddia edilib.
İddia xarici mənbələrdə də yer alıb.
Mum heykəl Rusiyadakı Titikaka muzeyindəndir
Fotonu tərsinə axtarış üsulundan istifadə edərək axtardığımız zaman heykəlin fərqli fotoları ilə rastlaşırıq. Müxtəlif rakurslardan çəkilmiş fotolarda heykəlin qarşısındakı rus dilində yazılar, heykəlin Rusiyadakı bir muzeyə aid ola biləcəyini göstərir.
Fotolarının yer aldığı internet saytlarında heykəlin Rusiyanın Peterburq şəhərindəki Titikaka muzeyində sərgiləndiyi bildirilir.
“Google Maps” proqramı vasitəsi ilə Titikaka muzeyindən paylaşılan fotolara baxdıqda heykəlin bu muzeyə aid olduğuna dair işarələrə rast gəlirik.
Heykəlin fərqli rakuslardan çəkilmiş fotolarının yanında görünən əsərlər vasitəsilə heykəlin Titikaka Muzeyində sərgiləndiyini müəyyən edə bilərik. Müxtəlif fotolarda heykəlin arxasında görünən başqa bir heykəl də bu muzeydə sərgilənir.
“Youtube”də rus dilində paylaşım edən istifadəçilərin Titikaka muzeyi ilə bağlı videolarında da heykələ rast gəlirik.
Titikaka muzeyinin rəsmi saytındakı fotolarda heykəlin burda sərgiləndiyini dəqiqləşdirik.
Vedders uzun burnu ilə rekordlar kitabına düşüb
Mum heykəl Tomas Veddersə məxsusdur. Vedders həm də Tomas Vedhause kimi tanınır.
Vedders 19 sm burun uzunluğu ilə “Ginnesin Rekordlar Kitabı”nda yer alıb. Kitabda bu qeydlər var: "1770-ci illərdə İngiltərədə yaşayan və səyahət edən qəribə sirkin üzvü olan Tomas Veddersin 19 sm (7,5 düym) uzunluğunda burnu var idi".
1896-cı ildə “The Strand Magazine”də Stackpool E.Odell tərəfindən yazılan “Burundakı Xarakter” (Character in Noses) adlı yazı Tomas Veddersdən bəhs edirmiş.
Oxşar heykəl “Ripley’s Believe It or Not!” auditoriyasında da nümayiş etdirilir.
Vedhausa bənzəyən mum heykəli 10 ölkədə mövcud olan "Ripley's Believe It or Not!”un London filialında nümayiş etdirilir.
Londonda nümayiş olunan heykəl, Titikaka muzeyində nümayiş etdirilən heykəllər tam olaraq eyni deyil.
“Ripley’s Believe It or Not!” “İnstagram” hesabında heykəlin fotosu da var.
Hazırda dünyada yaşayan ən uzun burunlu insan 8 sm burun uzunluğuna sahip olan Mehmet Özyürekdir. Onun haqqında rəsmi olaraq “Ginnessin Rekordlar Kitabı”nda məlumat var.
