Sosial şəbəkədə paylaşılan bir iddiada, Facebook platformasında istifadəçilərin şərh qismində "GG" yazdığı zaman çəhrayı rəng olmasının həmin telefonların orijinallığını sübuta yetirdiği iddia edilib.
“GG” Facebook-un rəngli mətnlər funksiyasının bir hissəsidir
“GG” uzun illərindir ki, oyun sektorunda oyunçuların oyun bitdikdən sonra bir-birinə təşəkkür etdiyi mənası gələn, ingiliscə “good game” (yaxşı oyun) sözünün qısaltmasıdır. Facebook 2017-ci ildən bəri "Text Delight" adında bir funksiyanı həyata keçirir. Adətən istifadəçilərin platformadakı şərhləri qara rəngdə görünsə də, bu funksiya sayəsində bəzi sözlər və qısaltmalar rəngli görünür, üzərinə kliklədiksə isə animasiya çıxır. “Good game” mənasına gələn “GG” də bunlardan biridir.
“GG” nümunəsi
Facebook Text Delight funksiyası aktiv olanlar sözlərin siyahısını paylaşmadığı üçün istifadəçilər bu sözləri kəşf etdikcə bir-biri ilə paylaşır. Təbriklər mənasına gələn “Congratulations” , “Congrats” kimi sözlər də Facebook-da şərh olaraq yazıldığında rəngli olur, üzərinə kliklədikdə isə GG kimi animasiya görünür.
“Congrats” nümunəsi
Bir telefonun orijinal olub olmadığı həmin telefonda istifadə olunan sosial media platformasında şərh yazmaqla ölçülmür. Telefonun orijinallığını yoxlamaq üçün olan yollardan biri onun kimlik funksiyasına sahib olan unikal kodu yəni İMEİ (Mobil Avadanlığın Beynəlxalq Tanınma Kodu) kodunu yoxlamaqdır. Cihazın növünə görə orijinallığını yoxlama üsulları dəyişə bilər.
Əvvəllər, Best Friends Forever mənasına gələn BFF ilə bağlı bənzər iddialar paylaşılmışdı. Səhifələrin iddiasına görə Facebook istifadəçiləri şərhlərdə BFF yazdıqda əgər rəngli görünsə bu onların hesablarının təhlükəsiz olduğunu göstərirdi. Lakin iddia da yanlış idi və fakt yoxlama quruşları tərəfindən yanlışlanmışdı.
İddianı ilk dəfə 17 sentyabr 2021 tarixində paylaşan səhifə daha sonra bunu zarafatla paylaşdığına dair bir post paylaşaraq yanlış olduğunu bildirib. Lakin paylaşım zarafat məqsədi daşısa da bir çox səhifə gerçək zənn edərək səhifələrində paylaşıb.
