Sosial şəbəkələrdə yayılan bir fotoya görə Azərbaycan və Ermənistan arasında yaşanan döyüşlərdən sonra Ermənistana dəstək məsədilə Dubaydakı binalara bu ölkənin bayrağı əks etdirilib.
6 oktyabr 2020-ci ildə paylaşılan bəzi fotolarda Ermənistan bayrağının bir gün əvvəl əks etdirildiyi ifadə edilib.
Bayraqlar döyüşlərdən əvvəl əks etdirilib
Ermənistanın Birləşmiş Ərəb Əmirlikləri səfirliyinin Facebook hesabında paylaşılan 21 sentyabr 2020-ci tarixli bir paylaşımda bu fotoya rast gəlmək mümkündür. Paylaşımda Dubaydakı ADNOC və Bürc Xəlifə binalarına Ermənistan bayraqlarının əks etdirildiyindən bəhs edilir.
Dubayın simvollarından Bürc Xəlifə adlı binanın İnstagram hesabı da Ermənistan bayrağını göstərən bir video yayınlayıb. Ermənistan milli bayramında bayraqların qüllələrə əks etdirilməsi ilə bağlı xəbər, Ermənistan Xalq Radiosu tərəfindən 21 sentyabr 2020-ci ildə yayımlanıb.
Azərbaycan ilə Ermənistan arasında Dağlıq Qarabağda yaşanan döyüşlər 27 sentyabr 2020-ci ildə başlamışdı. Yəni, fotolar döyüşlərdən əvvəl çəkilib.
Bundan əvvəl Bürc Xəlifədə Azərbaycan bayrağı da əks etdirilib
İnternetdə axtarış etdiyimiz zaman Azərbaycan milli bayramında Bürc Xəlifədə Azərbaycan bayrağının əks etdirildiyinin şahidi oluruq. Qüllənin rəsmi hesabı 2020-ci ilin May ayında Azərbaycan bayrağının rənglərini əks etdirmişdir.
Binaya əks etdirilən Azərbaycan bayrağını videoya qeyd edənlər də olub.
Dubaydakı binalara fərqli ölkələrin bayraqlarının əks etdirilməsi bir ənənə halına gəlmişdir. Bürc Xəlifənin İnstagram hesabında bir çox fərqli ölkənin bayrağının binaya əks etdirlildiyini görmək mümkündür.
Bununla birlikdə ölkənin Əbu Dabi Milli Neft Şirkətinin (ADNOC) binasına da fərqli dövrlərdə fərqli ölkələrin bayraqları əks etdirilib.
Əbu Dabi Milli Neft Şirkətinin binasına 2018-ci ildə əks etdirilən Pakistan bayrağı.
