Sosial şəbəkədə keçmiş Rusiya prezidenti Dmitri Medvedyevin İtaliyada həbs edildiyi iddiası paylaşıldı.
Medvedyev yeni vəzifəyə təyin edilib
Əvvəlcə iddiada həbs olunduğu deyilən Dmitri Medvedyevin rəsmi Facebook və Twitter hesablarına baxırıq. 6 mart 2021-ci ildə paylaşılan iddiadan iki gün sonra 8 mart tarixində Medvedyevin rəsmi hesablarından paylaşımlar etdiyini görürük.
İddianın paylaşıldığı tarixdə Dmitri Medvedyevin vəzifəsi Rusiya Təhlükəsizlik Şurasının sədr müavini idi. Şuranın rəsmi internet səhifəsindəki açıqlamalara və xəbərlərə nəzər keçirdikdə hər hansı bir həbs faktının olmadığını görmək mümkündür. Eləcə də iddianın paylaşılmasından bir neçə gün sonra Rusiya prezidenti Vladimir Putin ilə keçirilmiş 12 mart 2021 tarixli iclas haqqında xəbər mövcuddur. Həmin xəbərdə iclasda iştirak edənlər arasında Rusiya Təhlükəsizlik Şurasının sədr müavini Dmitri Medvedyevin də adı mövcuddur.
Rusiya Təhlükəsizlik Şurasının rəsmi səhifəsində Medvedyevin də iştirak etdiyi iclasa dair xəbərin görüntüsü.
Rusiyanın İtaliyada səfirliyinin rəsmi internet səhifəsində xəbərlər və açıqlamalar bölmələrinə baxdıqda da iddia edilən həbs haqqında məlumat olmadığını görürük. Eləcə də Rusiyanın İtaliyadakı səfiri Sergey Razovun 12 mart tarixində verdiyi bir müsahibəyə dair xəbər də mövcuddur. Koronavirusa qarşı hazırlanan peyvənddən bəhs edilən bu mühasibədə Medvedyev və ya onun həbsinə dair hər hansı bir faktdan bəhs edilmir. Həmçinin İtaliyanın Moskva səfirliyinin rəsmi Facebook səhifəsində nə də rəsmi internet səhifəsinin xəbərlər hissəsində Medvedyev və ya həbsinə dair fakt yoxdur.
Bundan əlavə son günlər Medvedyev ilə bağlı yayınlanan xəbərlər və Rusiya hökümətinin rəsmi açıqlamalarına nəzər saldıqda, onun 15 mart 2021 tarixli qərar ilə vəzifəsinin dəyişdiyini görürük.
Rusiya prezidenti Vladimir Putinin imzaladığı qərar hökümətin rəsmi internet səhifələrində mövcuddur.
