Sosial media və xəbər saytlarında 2022-ci il dünya çempionu, Argentina yığmasının kapitanı Lionel Messinin adına pul çap ediləcəyi iddia edilib. İspan dilli hesablardan yayımlanan iddia qısa müddətdə müxtəlif dillərdə yayılıb.
İddia zarafat kimi irəli sürülüb.
“Google”da "Argentina Çempionluğu Messi və pul" sözləri ilə ispan dilində axtarış etdikdə Meksikada yerləşən “El Financiero” qəzetində dərc olunan bir xəbərlə rastlaşırıq.
Dekabrın 19-da dərc olunan xəbərdə Messinin üzünün pulun üzərinə çap edilməsi variantının Argentina Mərkəzi Bankının üzvləri tərəfindən “zarafatla” təklif edildiyi yazılır.
“Google”da ispan dilində "Mərkəzi Bank, Messinin şəkli və pul" sözləri ilə yenidən axtarış edirik. Bu dəfə Argentina Mərkəzi Bankının yoxlama platforması “Checkedo”nun iddiaları yalandığını öyrənirik.
Argentina Mərkəzi Bankının mətbuat departamenti ilə əlaqə saxlayan “Chequedo” öyrənir ki, Mərkəzi Bankın Messiyə həsr olunmuş min peso əsginas çap etməklə bağlı hər hansısa məlumatı və təşəbbüsü yoxdur.
Digər tərəfdən, “Twitter”də ispanca palaşımlara yazılan şərhlərə nəzər saldıqda iddialardakı əsginas fotolarının “Ellseven” adlı istifadəçi tərəfindən hazırlandığı məlumatını öyrənirik.
“Teyit”in əlaqə saxladığı hesab sahibi bildirib ki, layihəni özü hazırlayıb və bunun Mərkəzi Bankla heç bir əlaqəsi yoxdur. Hesab sahibi əsginasın dizaynının hazırlıq mərhələsinin videosunu “İnstagram”da paylaşıb.
“Ellseven” adlı “İnstagram” istifadəçisinin profilini araşdırdığımız zaman onun dünya çempionatından bir gün əvvəl yayımladığı paylaşımlar görürük.
“Ellseven” adlı “Instagram” istifadəçisinin hesabından götürülən ekran görünütləri
Argentina Mərkəzi Bankının Argentinanın 1978 FIFA Dünya Kuboku Çempionluğu, keçmiş prezident Eva Peronun ölümünün 50-ci və 60-cı ildönümü, Argentinanın yaranmasının 200-cü ildönümü, Mərkəz Bankının 75-ci ildönümü və 2022-ci il Dünya Kuboku kimi simvolik hadisələr üçün xatirə sikkələrinin buraxdıği bilinir. Bunlar isə adətən əsginaslardan deyil, sikkələrdən ibarət olub.
Xatirə sikkələri arasında Messinin adına xüsusi olaraq buraxılan sikkə yoxdur.
2022-ci il Dünya Kuboku üçün buraxılmış xatirə sikkəsi.
