Sosial şəbəkədə paylaşılan videoda qabığı soyulan almanın üzərində ortaya çıxan ağ maddənin cənazələrdə cəsəd çürüməsin deyə istifadə olunan maddə ilə eyni olduğu və insan sağlamlığına zərərli olduğu iddiası irəli sürüldü.
Qidalarda istifadə olunan mumlar zərərli deyil
Qidalarda istifadə maddələr ilə bağlı Azərbaycan Səhiyyə Nazirliyinin və Azərbaycan Respublikasının Qida Təhlükəsizliyi Agentliyinin rəsmi internet səhifələrində məlumat tapmaq mümkündür.
Qida Məhsullarının Təhlükəsizliyinə və Qida Dəyərliliyinə Gigiyenik Tələblər, Sanitariya-Epidemioloji qaydalar və normativlər sənədində, yeddinci bölümdə, qida məhsullarının hazırlanması üçün istifadə zamanı insan orqanizminə zərərli təsir göstərməyən qida əlavələri siyahısında, rəngləyici, turşuluq tənzimləyici, qatılaşdırıcı kimi qidalarda istifadə edilən bir çox maddənin adı verilib.
Şirləyici və ayırıcı kimi xüsusiyyətlərə malik olan mum növləri də (arı mumu, şam mumu vs) təhlükəsiz qida əlavələri arasındadır. Bu əlavələr alma kimi meyvələrdə də istifadə olunan qida əlavələridir.
Mənbə Səhiyyə Nazirliyi
Bu əlavələrin miqdarı qida təhlükəsizliyinə dair sənədlər hazırlayan qurumlar tərəfindən müəyyən edilir. Eləcə də Avropada və ABŞ-da da həmin mumlardan qida əlavəsi olaraq istifadə olunur. Amerika Qida və Dərman Administrasiyasının (FDA) rəsmi saytında da verilən məlumatda da meyvə və tərəvəzlərdə istifadə olunan mumların insan sağlamlığına zərəri yoxdur.
Qida maddələrindəki əlavələrin insan sağlamlığına zərəri ilə bağlı risk dəyərləndirmələri Ümumdünya Səhiyyə Təşkilatı (WHO) və Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) tərəfindən yaradılmış müstəqil və beynəlxalq qurum Qidalarda Əlavələr üzrə FAO/WHO Birləşmiş Ekspert Komitəsi (JECFA) tərəfindən müəyyən edilir. Qurumun yayınladığı Ümumi Qida Əlavələrində Ümumi Standart sənədində, alma kimi meyvələrin təzəliyini və keyfiyyətini qorumaq üçün üzərində mumlardan istifadə edildiyi qeyd olunub.
Mənbə FAO
Cənazədə istifadə edilən maddənin adı kamforadır
Cənazə zamanı cəsədlərdə istifadə edilən maddə ilə qidada istifadə edilən maddənin eyni olduğu iddiası yanlışdır. Azərbaycanda ölü yuyulduqdan sonra isfifadə edilən maddənin adı kafurdur. Muma bənzəyən bu maddə kamfora (Cinnamomum camphora) adlı ağacdan əldə edilir.
