Sosial şəbəkədə yayılan bir fotonun ukraynalı əsgəri göstərdiyi iddia olunub. Foto “Duruşu ilə milyonları kövrəldən ukraynalı döyüşçü” məlumatı ilə paylaşılıb.
Foto 2019-cu ildəndir və ingilis əsgəri göstərir
Fotonu əks axtarış üsulu ilə araşdırdıqda köhnə tarixli olduğunu görürük. 2019-cu ildə xəbərlərində yer alan foto İngiltərə əsgərini göstərir. Fotodakı şəxs 2019-cu ildə paraşütçülük təlimini bitirən Fin Doherty adlı əsgərdir.
Əsgərin duruşunda kövrəldiyini görmək mümkündür. Bunun səbəbi Fin hələ 6 yaşında olarkən itirdiyi qardaşı paraşütçü əsgər Jeff Dohertydir. Jeff Doherty 2008-ci ildə Əfqanıstanda ilk xidməti zamanı öldürülüb. Finin 6 yaşında qardaşını itirdiyi zaman xəbərlərdə paylaşılan fotosu da mövcuddur. O böyüyəndə qardaşının yolunu davam etdirmək üçün paraşütçülük təhsili almağa qərar verib. İddia fotosu Finin təhsilini bitirdiyi anları göstərir.
Fin və anasının qonaq olduğu və qardaşından da bəhs etdiyi bir verilişi internetdə tapmaq mümkündür.
