Sosial mediada paylaşılan iddialarda ABŞ-ın Arkanzas əyalətində kişilərin partnyorlarını ayda bir dəfə döyməsinin qanun ilə qadağan olmadığı iddia olunub.
Məişət zorakılığı bütün ABŞ-da qanuna ziddir
ABŞ-da bütün ştatlarda qüvvədə olan federal qanunlar və sadəcə əyalətlərə məxsus olan əyalət qanunları mövcuddur. Federal qanunlar əyalət qanunlarından üstün olduğu üçün bu qanun ilə tərs düşən bir əyalət qanunu qəbul edilə bilməz. ABŞ-da qəbul edilən 1994-cü il tarixli Qadınlara Yönəlik Şiddət Qanunu (VAWA: Violence Against Women Act of 1994) federal bir qanundur və buna əsasən ABŞ-da qadına partnyorunun şiddət göstərməsi və ya şiddətə təşəbbüskarlıq qadağandır. Yəni Arkanzas və ABŞ-ın bütün digər ştatlarında, qadınların partnyoru tərəfindən şiddətə məruz qalması qanunla yolverilməzdir.
Bundan əlavə, 27 aprel 2021-ci ildə qəbul edilən və təsdiqlənən qanuna dəyişikliyi də tapmaq mümkündür. Bu dəyişiklikdə, Covid-19 pandemiyasının gətirdiyi karantin tədbirlərindən sonra məişət zorakılığında artış olduğu, karantin ərzində bəzi halların aşkarlanma və ya şikayət edilməmə ehtimalının da artırdığı vurğulanıb.
Nəticə etibarilə, ABŞ-da bütün əyalətlərdə qüvvədə olan qanun habelə Arkanzas əyalətinin öz qanunları partnyorları məişət zorakılığından qoruyur. İddia daha əvvəl də gündəmə gəldiyi üçün Arkanzas Universitetinin Gənclik Hüquq Kitabxanasında direktor asistenti Lorraine Lorne araşdırma aparıb. Araşdırmada, o, bu iddia da daxil olmaqla hüquq ilə bağlı bir çox iddianı çürüdüb.
